4/14/2014

Rails Girls HK - 女仔都coding?!

老老實實,生於互聯網世代既我,一粒code都唔識寫。

(網絡圖片)

大學畢業前,連coding係咩都唔知,只係識玩Xanga/ICQ/MSN/Facebook/Youtube 等,作為一個電腦使用者,完全無理過呢d咁好玩既工具點黎。IT係我心入面,只係電腦壞咗有人會上屋企幫我format電腦,裝返office同防毒軟件等等,或者換下LAN卡裝下寬頻,無知既我一路覺得IT就係咁。

所以我以前係唔明點解有人會做IT,佢地係咪好鐘意幫人裝Window同埋防毒呢?


完全唔知咩叫Programmer :0)


直到開始搞startup打開咗一個全新既世界,完全唔知發生乜事既世界,每次出席完d startup event我都會覺得自己好鬼廢咩都唔識。又front end 又back end,又server side 又php 又javascript又python又ux又ui又喱又路炒埋一碟,我就係o個d 一路以為java 即係javascript既無知人類,情況就有如真心以為金庸小說係紀錄緊歷史一樣。慢慢聽慢慢學,知黎知去都係一d好皮毛既知識,雖然Programmer朋友仔們都非常熱心教我,但我既程度一直停留係「用html改xanga版面巧威威」既程度。

最重要既係我發現自己唔理解點解Programmer會咁諗野,佢地諗野既方法好特別(亦有人形容為怪,算啦唔好咁執著,形容詞黎姐!),我好希望進入佢地世界諗下點解佢地咁諗野,一黎可以同programmer易溝通d,二黎自己都可以試下整下無聊野(整到/會整既話)。

一路都話要學coding既我,一路都無的起心肝去學,頹爆,原因係懶同埋無心機睇d教學網up乜,最好有人捉住我教我啦 (懶懶mode)




 

Rails Girls 係一個教女仔用Ruby on Rails coding既活動,等女仔學識咗呢個skills整一d自己想整既網站。呢個活動已經係全球舉辦咗好多次,不過上星期先第一次係香港搞,我就報名參加咗!

活動最大特色係參加者一定要係女仔,而所有Coach會係男仔。個人認為呢個安排幾好,先唔講有咩萬眾期待既火花,至少可以打開一個溝通既缺口嘛,嘿嘿!

(關於Ruby on Rails詳情按此)



活動一共分開兩日(其實只係一晚加大半日),頭一晚教裝晒所有需要用到既工具(女仔如果睇到呢到唔明既話,即係等如你宜家要出席一個重要場合要化妝,無化開妝既你一定要添置下d工具咁),安裝工具其實唔係好駛點教,最重要係要知道呢d工具係用黎做咩(即係你唔會用胭脂掃畫眼影一樣),同其他工具又有咩關係(e.g. 濕粉多數用三角形撲上,你唔會搵乾粉掃上嘛~)。

第二日就就開始教下點樣整一個自己既網站及放埋上網。我開始以為好難,又涉及咩domain咩Godaddy一堆野聽到都頭痛。但我遇到兩個好有耐性既Coach,講解仔細,又一語道破,簡而精!我最後亦都成功整到一個好簡單既小作品,有小小驕傲同埋招即咁 :P 有Easy start呢個感覺好重要,至少我會想再學落去。


上完一日半堂,Ruby on Rails俾我感覺好似砌lego,我只要搵到我要既tile就可以砌到我既end product,幾好玩!(只係形容緊好初階抄library既行為,不等如形容緊一眾偉大既contributor)對比起php﹑python﹑javascript etc,我覺得Ruby On Rails比較易pickup,但相信要精亦要花上一定既功夫!

最開心呢個活動有得食有得學野仲有抽獎(嗚呀!!係一隻機械人!!我好鐘意呀!!!),一次過滿足我三個願望,細心既主辦單位仲拎咗好多零食出黎,真係好了解女仔(可能淨係得我XD)既需要。

至於有朋友好關心「個活動毒唔毒?」「高唔高質?」「係咪好悶唔知d男仔係到嗡乜?」,今次活動反而俾我感覺好好,唔毒(毒係我心目中係溝通唔到,有自己一套思考同表達方法,同大眾接唔到軌。)我遇到既coach唔係自己講野俾自己聽,而係有心講明白解釋清楚俾參加者知,表達能力完全OK,仲會check下我係咪真係明。參加者黎講就有約一半係香港女仔,有一半係非本地/講廣東話既女仔,大家都有傾有講都好nice。


曾經問過身邊好多女仔朋友,大部份都麻麻地從事IT既男仔,不外乎覺得「悶」「煩」「唔知佢嗡乜」「好毒/毒爆/死毒男」「有佢講無人講」「梳下個頭換件衫先啦」,係未認識已經唔想做朋友,直接decline。但so far 3年幾以黎我識既IT朋友仔都好得意,了解佢地既做緊既野其實唔係真係咁悶/毒,情況就好似有d女仔用衣著/化妝黎表達自己想法時,佢地用coding 姐!Coding係一個表達方法,等如學語言咁,我相信有心學一定學得識,就算學唔識都當接觸下新事物都無壞jeh ;)


了解更多
Rails Girls Facebook

沒有留言:

張貼留言