5/22/2014

[me Me&ME] 關你Bra事! 私心開箱文

開始咗激安zone之後,最開心係識到好多人,部份人係癲癲地好岩chann,其中一個我識到既係黃宇詩 (UC)。

係未識UC之前,我老豆成日都話我地好似,睇親一有UC主持既節目就會打俾我話我知自己上電視LOL(最好笑係佢成日FF自己係大陸國家d主要幹部,總之見到我老豆,你話佢似國家主席佢就會好開心。有次陪佢去「破產兄弟」買衫,被一個操北京口音既幹部認錯佢係上級,佢開心咗成日)。初初係因為睇報紙見UC開始me Me&ME,膽粗粗approach佢,慢慢解釋佢知我既來意(唔是壞人XD),希望可以係激安zone介紹俾會員認識me Me&ME。
me Me&ME當時係激安zone推出的Caroline Jumer 睡衣團購 
參考連結 
http://bit.ly/1i75Iqe
有好多Artists都會開始自己side biz,但用心經營既可能唔多。每次出團購我都會要求睇sample先,將sample留到團購結束先還返俾商戶。某日下午,UC將sample送到我既office,包裝簡單精緻,最surprise既係,件睡衣質地超好  我相信佢應該係花咗唔少心機係產品質素上面,最後當然團購成功啦!

Caroline Jumper 質地closeup,舒服到好似BB仔用d毛巾咁

我地有保持聯絡,UC分享咗佢成立me Me&ME既原因同埋話俾我知me Me&ME既理念: 凡事由自己出發,關於自己感受,自己舒服最緊要,It's all about me!由內衣開始,係因為內衣係最貼身既產品,最直接讓你感受到「舒服/唔舒服」。

做左廿幾年女仔買咗十幾年內衣,聽完咁既願境當時好滾動。女仔買內衣不外乎某幾個大品牌,最挫敗係你永遠唔會著到好似個Model咁靚,而Model張相/最新catelog會直接貼係fitting room幅牆到,就好似話俾你聽「我件產品無問題,係你肥著得唔靚jeh!」,真係鬼唔知阿媽係女人,我係有Model身材就直接唔著nude住出街人地都覺得係fashion啦!
就係咁囉!網路圖片

唔知由幾時興起矯型內衣風潮,我都敗咗唔少錢買呢d內衣,換黎除左長期著住搞到腰酸背痛膊頭瘀晒成日抖氣唔順之外,最慘係心靈受挫。部份賣矯型內衣既舖頭都好鐘意公開去奚落d客人(有部份客人係特登為咗俾人奚落而去sosad),講到你既身材「唔死都無用」,要定時覆診咁激動。講真,人無完美,愈著呢d內衣我就問自己「點解靚既標準要由佢定,而追逐呢d標準搞到自己咁舒服都要繼續呢?」,唔通將個胸推到上喉嚨就係靚? 就算自己不如明星完美,係咪代表就要嫌棄自己? 身型呢家嘢,要改既話唔係由一d 外在既內衣幫你話改就改,要有好身型最根本就要做運動呀!



Sweet Gelsey 系列,圖片來源: http://memenme.asia/

UC之後送左3套內衣俾我(分別係Sweet Gelsey﹑ Graham 同埋Polly,我最鐘意Polly!),設計非常簡約少女(我仲係少女黎ga),最重要係全棉。全棉除左唔會焗促之外,件內衣係會愈著愈貼,跟住你身形走,做到perfect fit。試上身之後照鏡我即刻呆咗,即刻whatsapp俾UC知「嗚呀~~~~好靚呀!!」之前既挫敗感完全無出現,仲有一絲絲既驕傲,我亦即刻上網對比下model著同我著既分別,效果非常自然舒服,原因UC特登揀咗一個同大家一樣咁平凡少女幫佢做Model,結果先會真實!

Graham 系列,圖片來源: http://memenme.asia/
除咗靚,功能上亦都完勝!舒服唔在講,電腦前既女仔,你可以跟住我做以下動作:舉高雙手伸向天,向左轉,向右轉,再烏低身。我相信你下一個好自然既反射動作就係adjust一下個bra!你著緊個bra會走位係因為佢既剪裁唔係完美,UC話我知,只要縫紉時有1cm差距個bra 既受力點就會唔同晒,加上唔同Band位既闊度&物料,會唔會走位就在於件bra有無用心製作逐件檢查!(我聽完佢解釋之後又呆咗,佢真心用咗好多時間去研究)


知道UC係PMQ元創坊開舖梗係要衝去幫襯下,入咗最新出加入左Satin料既系列。

最新系列



me Me&Me其中一個特色就係會有好多「通花」既元素,係少女式蕾絲,Girlie得黎唔會太造作,個人接受唔到著到成個舞孃咁,所以由細到大我一年蕾絲內衣都無。建議大家買之前去fitting下,除咗試下size之外,仲要感受一下著一件fit你身型既內衣有幾proud!真的,著完照鏡會有種閃令令既感覺!自信返晒黎 


祝UC一路遇到更多meGirl!

me Me&ME
PMQ S213

Opening Hours: Sun - Thurs 12pm - 8pm; Fri, Sat 12pm - 10pm
http://memenme.asia/





2 則留言: